Taze ah SAC ralkap nih minung 11 an thah hna i mipi inn 700 leng an khangh

0

The Chinland Post | 2022 September 28 – Sagaing ramṭhen, Taze peng, September thla chungah SAC ralkap nih minung 11 an thah hna i mipi inn 700 leng an khangh tiah theih a si.

September thla chungah Oakphul-ai khua in PDF 4 le mipi 5, Aungchantha khua in mipi 1, Gwaykone khua in mino 1 tiah an zapi 11 SAC ralkap nih a thah hna tiah theih a si.

September thla chungah Oakphul-ai in mipi inn 4, Aungchantha in inn 10, Yeookone in inn 97, Inpat in inn 55, Uthaekone in inn 5, Pekone in inn 51, Gwaykone in inn 21, Beyin khuathar in inn 3, ni chuahlei Taik khua in inn 6, Nabatgyi khua in inn 124, Nabatnge khua in inn 24, Tasekone khua in inn 17, Intawta in inn 1, Thaesa ni chuahlei in inn 36, Thaesa ni thlaklei in inn 44, Innna in inn 98, Hngatpyawtaw in inn 121, Thittawpauk in inn 30, Tasekyui in inn 33 tiah a zapi te inn 723 SAC ralkap nih an khangh.

“SAC ralkap an chuah hnu ah khua kan luh ṭhan cu inn 21 an khangh cang. Mipi pakhat zong an khangh. Mino pakhat a tlau. Ruak cu fak ngai in an khangh” tiah Gwaykone khuami nih Khit Thit ah a chim.

“Innna khua hi inn 120 khuasa kan si i a zapi tein an khangh dih. Inn 88 a kang i khualeng ah sakmi inn pawl lawng a him. Oakphul-ai khua lioah ka ṭapa wire hri in an hren i an khangh. Cu lioah ka ṭapa telh in hriamtlai 4 le mipi 6 an khangh hna. Tar le a dam lomi hna caah sii bawmhnak kan herh ko” tiah khuami pakhat nih Khit Thit ah a chim.

About The Author

Na ruahning rak langhter ve.. (Leave a comment)

%d bloggers like this: