TB Zawtnak In Vawleicung Ah Nikhat Minung 4500 Tluk An Thi

0

TCP-Hakha| 2019 March 25| Vawleicung ah TB zawtnak a ngeimi nikhat ah minung 30,000 tluk an karh i nikhat ah minung 4,500 tluk an thi tiah 2018 World TB zawtnak kongkau cathanh nih a langhter.

TB zawtnak hi vawleicung ah mizapi ngandamnak lei buainak ah a cang i a thimi an tambiknak zawtnak phun 10 chung ah aa tel tiah nihin (March 25) Yangon ah tuahmi vawleicung TB zawtnak Doh Ni caanhmannak ah Zaanglek le Ngandamnak lei ramkomh minister Dr. Myint Htwe nih a chim.

2018  kum cazin ning ah Myanmar ram ah TB zawtnak a ngeimi minung 140,000 hrawng an thlopbul khawh hna i TB zawtnak aa chawnhmi 100 chung ah  10 hrawng hi HIV zawtnak virus an i chawnh tiah hlathlai hmuhchuahmi ning in theih a si.

March 24 cu World TB Dohkalh Ni ah chiah a si i Myanmar ram tel in vawleicung  ramkip nih 1996 in tuah hram an thaw. Atu ahcun avoi 24nak tiang a phan cang.

Atu 2019 kum caah TB zawtnak dohkalhnak ni tlangtar cu “TB zawtnak a tlaunak ding a lamkip i bawmh cio in nihin in thawk usih” timi a si.

Ref: DVB

About The Author

Na ruahning rak langhter ve.. (Leave a comment)

%d bloggers like this: