Tedim Ah Chiah Mi Pakhatnak Bik Mizawpa Voi 5 Tiang An Chek Nain Positive A Piah Rih

0

TCP-Thantlang| 23 April 2020| Tedim siizung ah thlop lio mi Kawl ram chungah a pakhatnak bik COVID-19 zawtnak ngei hmasa bik mi Kaptel khua pa cu a zawtnak a thian le thian lo a thi voi 5 tiang chek a si nain Positive in a lang peng rih tiah Chin cozah chimphuannak nawlngeitu sipin vuanci nih a chim.

“Mizaw pakhatnak bik Tedim siizung ah thlop lio mi pa cu voi 5 tiang a thi chek hnu ah Positive a piah peng rih. April 20 ni kuat than mi tu hi a phi a chuak rih lo. Cun a nu zong voi thum chek a si i a tlunnak dawng kha voi 2 chek an si ve cang. An mah hna cu zei tin hmanh in an um lo, an ngandam ko.”tiah U Soe Htet nih a chim.

Tedim khualuh lai Hauka

Atu lio (April 23) Tedim siizung ah zawtnak ngei hmasa bik mi a pakhatnak bik pa he telh in minung 5 ( case No.1, 23, 31, 78, 113) an um cang. Cun a tulio ah Tedim ah ramleng in a tlung minung 229 chungah minung 60 hna cu inn chungah erh in ngiatthlai an si i a dang pawl zong sianginn ah Quarantine in an um lio a si. (Ref: Irrawaddy Burmes)

About The Author

Na ruahning rak langhter ve.. (Leave a comment)

%d bloggers like this: