Tedim Ah CNA le ZRA Karlak ah Kahdohnak A Chuak, ZRA Nih Sakhaan 1 An Zaamtak
The Chinland Post | 2023 April 3 — Chin ramkulh, Tedim peng ah ZRA le CNA karlak ah kahdohnak a chuak i ZRA nih sakhaan pakhat an zaamtak tiah CNF biachimnak nawl a ngeitu Salai Htet Ni nih People’s Spring ah a chim.
“CNF Brigade 4 hmunhma ah ZRA he kahdohnak a chuak i ZRA nih an sakhaan pakhat an zaamtak. An sakhaan kan va kah hna i sakhaan chung tiang luh hnawh in kan va kap hna lo nain anmah tein an zaam” tiah a chim.
A luancia March 23 zong ah ZRA le CNA karlak ah kahdohnak a rak chuak cang. Kahdohnak chung ah ZRA lei 2 an rak thi i hriam zuun 2 le kuan pawl an rak lak khawh.
