Tedim Ah Kum 7 Ngakchianu A Tlaihhremtu An Tlaih

TCP-Hakha | 2019 January 16| Chin ramkulh, Tedim peng ah kum 7 tluk a simi ngakchianu pakhat a tlaihhremtu Thian Lian Pau cu Khaikam peng palek sakhaan Ye-oh Win Naing phu nih December 24 ah an kawl i an tlaih khawh tiah theih a si.

December 23 ah Tedim peng, Thian Lian Pau cu … khua ah a kal i zuu a ding. Zan suimilam 6 ah inn a tin lei ah lamcung ah kum 7 nu ngakchia pakhat a hmuh. Changreu kan dangh lai tiah a auh i voihnih tiang a tlaihhrem tiah theih a si.

Cu hnu ah sualnak a tuahtu nih kum 7 ngakchianu cu hringtu nu le pa le midang zong chimh lo ding bia a cahtak hnu ah khuabawi hlun ah video zohpi ding in a auh tiah theih a si.

Tlaihhrem tlaih a tongtu kum 7 nu cu inn ah a tin i a nu le a pa a chimh hna ruang ah hringtu a nu nih Khaikam palek sakhaan ah report a tuah. Cu hnu ah Khaikam palek sakhaan uktu Ye-oh Win Naing, U Kyaw Than Oo le khuabawi hna nih sualnak a tuahtu cu an va kawl i an tlaih.

Hi kong he pehtlai in kum 7 nu ngakchia a tlaihhremtu Thian Lian Pau cu Khaikam palek sakhaan nih case 1/2018 (R) 34/2018 Yazatatgyi pohmah 376 in case (ahmuh) an tuah tiah theih a si.
Ref: Mizzima News