Tedim Ah Mipa Pakhat Nih Bomrap Aa Lamh Sual
The Chinland Post | 2024 August 23 — Chin ramkulh, Tedim khua ah ah mi zapi ti a zohkhenhtu pa cu Tedim khua sizung pi pawng ah tlang ah ti zoh ding in a kal lio, sizung pi pawng cozah rianṭuantu pawl umnak inn pawng ah bomrap aa lamh sual caah a orhlei ke aa tan tiah thawngpang theih a si.
A luancia ni tlawmpal ah cuka sizung pi pawng ah meithal thawng a rak thang bal cang, zeiruang dah an puah ti cu theih a si lo. August 23 chun ah mi zapi ti a zohkhenh tu Pu Kam Khua Thawn (kum 45) cu ti phonh ding in timerh umnak lei a kal lio ah bomrap aa lamh sual hi a si.
Bomrap ral ṭihnung ruang ah Myoma sang tlang lei ah a um mi cozah rianṭuan tu pawl umnak pawngkam le Tedim Theological College pawngkam ah umkalnak tuah lo ding in khuami hna nih an chim tiah Chin World nih a langhter.
About The Author
