Tedim Mizaw An Karh Sual Ah Cun Lockdown Chiah Dingin Kan Tawlrel Lai: Minister U Soe Htet

TCP-Thantlang| 23 April 2020| Atu lio thil sining ah cun Tedim khua Lockdown tiang chiah ding ah a tlam tling rih lo. A si nain (positive)mizaw an karh sual ah cun Lockdown chiah dingin kan tawlrel lai tiah Chin cozah nih ngeih mi Taungzalat Time Media ah a chim.

Tedim khua Lockdown chiahnak dingah a herh rih mi Ti, Mei, thut dirnak, phurhtlunh nak motor le ei-din kongkau tiang in a herh in a chanbau rih nak, Lockdown chiah nak ding caah a herh mi an tawlrel lio lawng a sinak kong a chim.

“Tedim ah mizaw (positive) minung 5 an si rih, mah pin ah hi nak an tam in an karh sual ah cun Lockdown chiah dingin ruah chih a si.  Kaptel khua zong hi Lockdown kan chiahnak April 21 ni in a dih cang. A sinain a tu hnu ni 7 tiang sauhthan a si caah April 28 tiang Lockdown chiah a si lai. Cun Tedim khua Lockdown kan chiah a si ahcun a pin lei khua Cikha, Tonzaang lei ei-din le phurhtlunhnak kongah harnak an tong kho.

Tedim siizung

Cun Tedim khua dinti kongah budget a um cia mi in zeitin dah kan tawlrel lai, riantuan duh zongah thla thum hrawng caan a rau rih ding a si. Mei zong Ma-ha-dat-aa line a ngah rih lo caah le a tu lio Mei an hman mi hi Ti tha in lak mi a si caah sangthen in pek an si. Cucaah an khua pi ningin suimilam 24 chung mei pek khawhnak dingah cun 500 Kv meiseh 4 hrawng a herh lai a si loah 1000Kv meiseh(mi-set) pa hninh a hau ding a si. Desel man zong a herh rih lai caah an khuapi ningin mei pek khawhnak dingah cun thlakhat caah sing 400-500 tiang a dih lai. Hi kongah cunglei ah 500 Kv (mi-set) pek dingin kan hal hna, mah hmanh cu a tlawm bik thla thum hrawg a rau ding dirhmun a si. Siizung tu hi khua mi Ti tha in lak mi mei suimilam 3 chung an hman lio mi le (mi-set) pathum hrawng fonh hnu lawngah suimilam 24 pek khawh ding dir hmun a si, cucaah Tedim khua cu Lockdown chiah ding a si kho rih lo.”tiah sipin vuanci U Soe Htet nih fianternak a tuah. (Ref: Taungzalet Time Media)

Na ruahning rak langhter ve.. (Leave a comment)

%d bloggers like this: