Tedim Peng Ah Air Gun Meithal Zunkhat Le Kuanfang 350 An Tlaih

0

City Hunter| 2018 July 23| 2018 July 21 zanlei suimilam 5:50, Tedim peng, Khaikam chekhlatnak gate ah Air Gun meithal zunkhat le kuanfang 350 an tlaih.

Cikha in Kalay ah a rak lutmi Kalay Thazin sang um Pu Kin Dun pau (kum 31) nih a monghmi motor cu Khaikam gate ah an chek. Motor cung ah aa citmi Tonzang peng Suamban khuami Pyi Phyo Thein (kum 29) cung ah Air gun meithal zunkhat le Air Gun kuanfang 350 an hmuh i an tlaih. Khaikam palek sakhaan nih hriamnam lei upadi pohmah 19(f)nak in dan an tat tiah theih a si.

July 8 an tlaihmi Zo Nun Sanga

2018 July 8 ah Sagaing ramthen Kalay ah Air gun meithal pa 4 le kuangfang 1920 an tlaih. Kalay, 9mile chekhlatnak ah Kalay palek sakhaan in palek bu nih Zo Nun Sanga (kum 27) nih a monghmi motor cu an dirhter i an chek. Motor thudan tang thilfun (ciat-pha) chung ah a sau pe 3 le letmah 7 tluk India ram chuak Air gun pathum le a sau pe 3 letmah 5 a simi Tuluk ramchuak air gun pakhat, a zapi air gun meithal pali le air gun kuanfang 1920 an hmuh i an tlaih.

Hi kong pehtlai in Zo Nun Sanga cu an tlaih i kalay palek sakhaan nih hriamnam pohmah 19 (f) in case (ahmuh) an hunpiak i an chekhlat tiah an langhter.
Ref: Thit Htoo Lwin, Yezarni media

About The Author

Na ruahning rak langhter ve.. (Leave a comment)

%d bloggers like this: