Tedim peng ah mawṭaw pakhat lamthlang a tla i 2 an thi, 6 hma an pu
The Chinland Post | 2022 June 24 – Chin ramkulh, Tedim peng, June 20 ah Tungzan khuate in Kalay lei ah a ṭummi i minung 8 a phormi mawṭaw cu lamthlang ah a tla i 2 an thi, 6 hma an pu tiah theih a si.
Cu mawṭaw cu Tedim-Kalay lamcung ah accident a cang i lam kam 200 meters a thuhnak hor ah a tla. Mawṭaw aa citmi minung 8 cu Tedim sizung ah Zomi Youth Association (ZYA) bawmhnak in kuat an si tiah theih a si.
A hma a fak tukmi minung 4 cu Kalay sizung ah kuat an si i Sozan khua an phak zaan sml 9:00pm ah mizaw Thang Khaw Cin Tuang cu a nunnak a liam tiah theih a si.
A tangmi mizaw 3 cu zing sml 1:30am ah Kalaymyo an phakpi hna i cu chung in U Tual Zam cu Mandalay sizung ah kuat chin a si i lam cung June 21 ah a nunnak a liam ve tiah theih a si. Adang mizaw 6 cu an i thopbul lio a si i an damṭha pah cang tiah Tedim peng thawngzamh nih an langhter.
About The Author
