Tedim Peng Kaptel Khua Mizaw Pa A Nu Sin In COVID-19 Zawtnak Hrik An Hmuh Chap

Tedim siizung

TCP-Thantlang|9 April 2020| A tulio zawtnak tihnung a si mi COVID-19 cu Chin ram chungah minung pahnih sin in hmuh chuah a si cang. Tedim peng Kaptel khua US in nupi thit ah a tlung mi nu fa hna sin in hmuh chuah an si.

A fa sin ah zawtnak hrik an hmuhchuah hnu in a nu zong inn chungah khumh erh in chiah colh a si ve. Ni 14 a tlin lai teah April 7 ni ah a thi chek a si i April 9 ni ah a phi a chuak i a nu sinah a tubantuk in zawtnak an hmuh ve hi a si. A si nain a nu sin ah hin, hi zawtnak he aa pehtlai mi a lang mi pakhat hmah a um lo tiah ramkomh ngandamnak zung nih March 9 zan ah thawngthanhnak a tuah mi ah aa tel.

Hi hna nu fa hna cu March 13 ni ah  US in nupi thit ah Kawl ram lei ah an rak tlung i March 15 ni ah Yangon in Kalay myo an phan, an chungkhat hna inn ah zan an riak. March 16 ni ah Pre-wedding hman an i thla. March 17 ni ah Tedim ah zankhat an riak. March 18 ni ah Kaptel khua an phan. March 19 zinglei ah dam lo in a um caah an khua sii-khan (PSI) ah aa piah dih in Tedim siizung ah thialkam in Quarantine tuah a si colh. Mah hnu ah March 23 zan suimilam 11:45 ah a tu lio zawtnak COVID-19 an hmuh chuah. April 9 ni ah a nu (kum 58) zong zawtnak hmuh chuah a si ve. Zawtnak hmuhchuah nu fa hna  cu a tu lio ah ngandam tein an um lio a si tiah kan theih.

Na ruahning rak langhter ve.. (Leave a comment)

%d bloggers like this: