Tedim Peng Lamzang Khua Pawngah PRADO Motor Aa Let: Nu 1 Le Pa 3 An Thi

Salai Elvis| 2019 May 21| May 20 zinglei suimilam 8 tluk ah Tedim le Mansawng hlei kar Lamzang khua pawng lam kilkawi zawn ah PRADO motor pakhat aa leh caah a cung aa citmi Phungki pa telh in an dihlak pa pathum le nu pakhat a hmun ah an nunnak a liam dih tiah theih a si.

Motor cungah an mah pali lawng a cuangmi an si. Yangon khua in a ra mi Kawl miphun an si i an dihlak in an nunnak a liam. Chun suimilam 12 tluk ah ruak pakhat lawng lam ah an chuah khawh rih tiah SHALOM mibawmchan tu phu hna nih an chim. Motor an i lehnak hi pe 600 tluk a sang tiah theih a si.

“Motor an i lehnak hi May 20 a si cang. Lolam kal mi hna nih an thawngpang cu an theih ko rua nain lung a deng i riantuan mi hna ah an ruah. Cucaah pakhat khat a si ko lai tiah penguk zung thawngthnah hnu ah May 21 ah kan hmuh hna hi a si. An rim a thu pah cang. Palek nih an Phone le an Hmat-pung-tin kan zohnak in Yangon mi an si tiah theih khawh a si. An i lehnak a ruang cu Break a poh caah a si men lai tiah ruah damh a si” tiah Shalom mibawmchan tu phu pakhat nih a chim.

Motor an i lehnak hmun ah SYC, TYF, ZYA(Lamzang) zatlang bu hna le meithahnak zung riantuan hna i bawm in mi ruak cu phurhtlunh ding in an tawlrel lio a si tiah kan theih.

Ref:Sia Puia Tedim, Khual Suante, Zalen

Na ruahning rak langhter ve.. (Leave a comment)

%d bloggers like this: