July 24, 2024

Tedim Peng Taingen Khua Ning In An Khangh

0

The Chinland Post | 2024 June 24 — Chin ramkulh, Tedim peng, Taingen khua cu June 21 ah SAC ralkap nih an khangh caah khuaning in a kaang tiah tualchung mi chimnak cherhchan in RFA nih a langhter.

Inn 30 hrawng khuasa an si nak Taingen khua ah a kang lo mi inn 3 hrawng lawng a tang tiah min langhter a duh lo mi tualchung mi nih RFA ah a chim.

“Inn pawl hi cu an khangh dih ngawt cang. A tang tuk ti lo. Chaklei sang inn 3 hrawng lawng a taang. Kahdohnak a chuah hlan ni 3 hrawng aa duh ah kannih cu kan zaam hna” tiah a chim.

Tedim peng lei in a rak lut mi SAC ralkap le Chin hriamtlai phu hna karlak ah kahdohnak cu June 20 in aa thawk i June 23 tiah a rau.

Atulio ah SAC ralkap pawl cu Taingen khua thlacamnak tlang ah hmunhma an khuar caah khualtlawng mi hna nih Kalay-Taingen-Tedim lam zul rih lo ding in CDF CDM Siyin nih ralrinnak thawng an thanh.

Thazang 100 hrawng SAC ralkap phu nih June 18 ah Tedim peng Kanedy tlang sakhaan an lak nain atu cu PDF Zoland nih an kah hna i an tlaih ṭhan cang tiah RFA sin in thawng theih a si.

About The Author

Na ruahning rak langhter ve.. (Leave a comment)