Thabeikkyin ah Major telh in 3 kahthah an tong
The Chinland Post | 2022 September 20 – Mandalay ramṭhen, Pyin Oo Lwin pengkomh, Thabeikkyin peng ah Major Myo Min Oo telh in SAC ralkap 3 kahthah an tong i hriam cheukhat zong an lak khawh tiah theih a si.
Thabeikkyin peng Chaunggyi khua ni chuahlei Me Lin Shwe rianṭuannak pawng, September 19 zaanlei ah Shwe Su Su Than company nih a hlonh cang mi pyit-sa (ပစ်စာ) pawl a lami khuami pawl ṭhawl ding ah Company nih a man phalh in a auh mi Major Myo Min Oo, Warrant Officer le mawṭaw a mawng mi ralkap hna nih an rak i cit mi mawṭaw cu Thabeikkyin peng Captain Lin Yung hruaimi PDF nih a naih tein an kah hna hi a si.
Cu kahdohnak ah MA-3 zuun 2, MA-1 zuun 1, 5.56 kuan 413, 9 MM kuan bawm 13, rifle bom (အီနာဂါ ဗုံးသီး) 8, 5.56 kuan bawm 2 hna an lak khawh tiah theih a si.
Cu kahdohnak ruangah September 19 zinglei ah Singu peng in mawṭaw 2 in kahdohnak tuah ding in SAC ralkap an rak phan i Taukkyan khuate le Kyuibung khuate karlak ah bonrap lung 10 an puah hnawh hna i SAC ralkap pawl an i hliam tiah theih a si.
About The Author
