Thabeikkyin Peng Ah A Lut Mi SAC Ralkap An Kah Hna, 3 An Thi
The Chinland Post | 2023 June 6 — Mandalay ramṭhen, Thabeikkyin peng ah a rak lut mi SAC ralkap pawl cu PDF nih an kah hna i 3 an thi tiah Nine PDF Alliance nih a thanh.
June 2 ah thazang 100 hrawng SAC ralkap pawl cu phu 2 ṭhen in Thabeikkyin peng, Ngatan khuate lei ah phukhat, Kyawlay khuate lei ah phukhat tiah an lut.
June 3 zinglei sml 10:00am hrawng ah Ngatan khuate le Chaungtalay khuate karlak tlangcung an phak ah Captain Eagle phu nih an kah hna i 3 a hmun ah an thi tiah theih a si.
Kahdohnak chung ah SAC ralkap 5 zong fak pi in an i hliam i mipi hriamtlai phu lei him tein an kir kho tiah theih a si.
June 3 chun sml 1:30pm hrawng ah Kyawlay khua ah SAC ralkap pawl an phan ṭhan i Kyawlay khua an khangh lio ah Nine PDF nih bomrap lung 5 in an puah hnawh hna i SAC ralkap 3 nak tlawm lo an i hliam tiah an langhter.
Kahdohnak chung ah Captain Eagle phu le Nine PDF phu hna bawm in SAC ralkap an doh hna hi a si.
About The Author
