Thadingyut Zung Khar Caan Yangon-Mandalay Highway Lampi Ah Suimilam Pakhat Dan Motor 600 Leng An Tli

0

Yangon-Naypidawt Road/ Irrawaddy

TCP-Thantlang|2019 October 21|Cozah nih phungning in kumkhat voi khat October thla chiar Thadingyut zung khar caan zarhkhat tluk an pek mi hna chungah Yangon le Mandalay kar Highway lampi khualtlawng mi suimilam pakhat dan ah motor 600 reng lo an tli tiah theih a si.

Zung khar a ni khatnak bik October 11 Highway lam Toll Gate ah zinglei suimilam 8 tiangah motor 4,842, suimilam 8 in zanlei 4 tiang motor chok vak 4,477 a zapi nikhat chungah 9,319 tluk an tli tiah No.3 Toll gate hngaktu le tuanvo ngeit mi Daw Lay Lay Win nih a chim.

Motor chok/vak (a tli) mi hna hi zantim 12 in zinglei 8 tiang, zing 8 in zanlei 4 tiang le zanlei 4 in zan 12 tiangin then a si. Cutik ah zantim 12 in zinglei 8 tiang ah motor chok vak mi 4800 tiang an tam i suimilam pakhat ah 600 tluk cu an tli ko.” tiah tuanvo ngeitu nih a chim.

Tukum Thadingyut zung khar  le khualtlawng mi an tam lai tiin Toll gate zong zalam thlur pakhat ah hmun nga ningin hun piak an si. Khualtlawng mi an tam caah Toll gate ah caan sau deuh an hngak sual lai phan ah tangka zong lak lo mi an um hna. (Ref: Democracy today)

 

About The Author

Na ruahning rak langhter ve.. (Leave a comment)

%d bloggers like this: