Thailand Ah Cozah Le Mipi Kharlak Buainak A Zual Chin

Salai Bawi Lian Sang| October 17, 2020| Thailand ah mipi nih nihin an  cozah nawlngei tu pawl cozah chuak tak ding le Siangpahrang nawlngeihnak remh le thleng ding in mipi nih lamzawhnak an tuahmi cu  a linsa chinlengmang caah Thairam Prime Minister nih nawl chuak nak ca a tial.

Thai cozah duhlonak a langhter mi tong tampi cu Bangkok cozah zung hmai ah October 14, lam chuak in duhlonak a langhte mi mipi an hun tam thluahmah caah Prime Minister Prayut Chan-o-cha ih minsenthutnak in thawngthanhnak a tuah. A mah nih cun kei mah lei kap in hnatlaknak um lo ah cun ka rian ka chuaktak  kho lo tiah a ti.

Rampi hunhimnak ah  buainak a chuak chin caah Rampi Palik nih duhlonak a langhter tu mipi hruaitu Arnan Namphan le Parit Penguin Chiwarak telh in mi (20) an tlaih hna. Cun, Bangkok khua chung ah lamzawlhnak tuah lo ding in cozah nih nawl a chuah.

Rakap hruaitu hlun a si mi Prime Minister Pryut hi 2014 kum ah mipi thimmi cozah sin ah uknak a rak lak hnu 2019 thimkum ah thimfung cuh in teinak a rak co I cozah a rak ser. Duhlonak a langhter tu hna nih cun thimnak kong he pehtlaimi upadi hi a mah cozah chuak khawhnak caah a sermi lam in zulh a si ruang ah a diklomi teinak a si tiah an ti ve.

Duhlonak a langhter mipi nih cun ralkap sermi upadi le Thailand siangpahrang nawkngeihnak thumh than ding in Thailand siangpahrang Maha Vajiralongkorn le a nupi Suthida lam an lengnak ah mipi nih an au hnawh hna. Thailand ram ah Siangpahrang nawlngeihnak kong he pehtlai in Lese Majeste tiah auhmi upadi cu siangpahrang hunhimnak caah sermi a si caah siangpahrang dohkalh mi poah thongthlak khawh a si . Ref: VOA Burmese news

Na ruahning rak langhter ve.. (Leave a comment)

%d bloggers like this: