Thailand Ramri Um Ralzaam 70 Leng Cu UNHCR Tawlrelnak In An Khua Cio Ah An Kuat Hna

0

Salai Elvis | 2018 May 8| Thailand le Kawlram ramri um Kayin miphun ralzaam umnak hmun 5 chungin minung 70 leng cu anmah le umnak hmun cio ah UNHCR tawlrelpiaknak in May 7 ah an kuat hna. 

Midang cu an umnak hmun thing ah kir zuam ti lo in a um behding an tam caah ralzaam umnak hmun 5 chungah minung 70 renglo deuh lawng an kir thannak hi a si. An umnak thing ah kir ka duh tiah cazin petu hi minung 101 an si, a kirtakmi cu 70 hrawng lawng an si. A kirmi hna cu ngakchia minung pakhat ah Thailand ram tangka 7500 le upa 9300 pek an si” tiah ralzaam umnak hmun an haotu pakhat nih a chim.

UNHCR nih cun ralzaam mi nih nan umnak ah kir a duhmi cu i dorchungnak hmunhma tuahpiak a si ko nain micheu cu kan kir ah cun din einak kong le a khuasaknak caah a thar in zeipoah dirh a hauh caah kir duh lo in atu an umnak ralzaam dirhmun ah um peng an duh deuh nak a si” tiah ralzaam pakhat nih a chim.

A tubantuk in Kawlram ralkap uknak chan lio in namnehnak le hremnak a rak tuarmi deuh a si i hi pawl caah Thailand cozah nih umnak hmunhma pek in ralzaam hna cu umhmun an khuar hi a si. Thailand- Kawlram ramri ah ralzaam i dornak hmun 9 a um. Hi chungah Kayin miphun ralzaam hmun hnih ah an um i minung in 13,000 tluk an um lio a si. Ralzaam an dihlak in minung sing 1 hrawng Thailand-Myanmar ramri ah an um tiah theih a si.

Ref: VOA

About The Author

Na ruahning rak langhter ve.. (Leave a comment)

%d bloggers like this: