Thailand um Mahidol University nih ‘cil’ in Covid-19 rungrul cheknak kan serchuah tiah a thanh

Thailand ram sianghleiruun tha a simi Mahidol University ah dohhlatnak (research) a tuahtu Scientist phu khat nih Covid-19 pulrai zawtnak rungrul ngeih le ngeih lo cu ‘minung cil’ hmang in chekhlainak tuah khawhnak thilril (test kit) kan serchuah khawh cang tiah thawng an thanh.

Bangkok Post nih dothlatnak phu nih an hmuhchuahnak kong cu April 24 ah a langhter.

Ramanthibodi Sizung ah a tuanmi Dr. Siriorn le a riantuanti hawi ramdang mi hna nih hi Covid-19 pulrai zawtnak ngeih le ngeih lo cu ‘minung cil’ in atu an serchuahmi cheknak thilri in chek khawh, kawl khawh a si lai tiah an chim ve.

Covid-19 pulrai zawtnak rungrul ngeih le ngeih lo zohfelnak ding caah RT-PCR (current reverse transcription-polymerase chain reaction) timi seh hi atu lio cu an hman bikmi a si. Hi RT-PCR cu cu a man zong a fak i caan zong tam ngai a raumi a si.

Atulio Covid-19 zawtnak cheknak caah an hmanmi RT-PCR cu ngandamnak lei riantuan tu hna nih neihniam tein, mizaw an hrom le hnar in chekhlainak an tuah hna caah ngandamnak lei riantuantu hna caah a him lo ngaingai mi a si. Zawtnak in chawnh a fawite tiah an ti.

“Hi ‘minung cil’ cung in Covid-19 pulrai zawtnak rungrul a ngei maw, ngeih lo zohfelnak thilri thar hi atu lio hman mi RT-PCR nakin dik deuh in a phichuak a langhter deuh kho i mi a si. Tam deuh nih fawite in le man fawi deuh in an hman khawh mi a si. Cun, ngandamnak lei riantuantu pawl ca zong ah a him deuh lai,” tiah Dr. Siriorn nih a chim.

“A luancia thla pawl ah aa lo cio lomi zawtnak kawl ningcang, hnar le hrom, minung cil hna telh in minung 200 hlei cu cheknak kan tuah hna. Cu chung ah, ‘hrom le hnar’ in cheknak in minung 19 sin ah zawtnak an ngei tiah a langhter i, ‘cil’ in cheknak in in minung 18 nih zawtnak an ngeih a langhter ve. Cucaah, hi minung cil in cheknak cu zawtnak ngeih le ngeih lo kha zatuak 84.2 % ’ tluk a kawl khawh. Zawtnak ngeih le ngeih lo cu zatuak 98.9% in a fianh ter. Cun,  zawtnak ngeih le ngeih lo fehternak a tuahmi cu 97.5% in a dik,” tiah Dr. Siriorn nih a chim.

“Atu bantuk in rungrul cheknak kan sehchuah khawh hi a pakhatnak kan hlawhtlin a si. A man a fakmi le sii lei riantuantu humhim tih a nungmi hmannak cha cun cil in zawtnak cheknak hi thanchoter in kan hman deuh cang lai,” tiah a biapeh ah a chim chih.

Na ruahning rak langhter ve.. (Leave a comment)

%d bloggers like this: