Tuzan In Thaizing Zanlei Tiang Ni Len Par Mawi Vote Pek Khawh Rih A Si
City Hunter| 2018 July 20| Minung 10,000 tluk an i zuam hnu ah Myanmar Idol top 5+1 tiang a phan khomi Lainu Ni Len Par Mawi cu a tla cang. Asinain Top finalist a phanmi le a tla ciami minung 7 chung in minung pakhat cu “Pantene Wild Card for your Idol” timi tlangtar in duhbikmi Idol pakhat kha Myanmar Idol donhhlei cung kai than khawhnak vote peknak in caantha serpiak rih an si. Ni Len Par Mawi Myanmar Idol donhhlei cung a phak khawh rih thannak ding ah tuzan (July 20) suimilam 10:30pm in thaizing (July 21)zanlei suimilam 6:00pm tiang MNTV Myanmar Idol Application in vote voithum pek khawh rih a si.
Ni Len Par Mawi nih, “hi dirhmun tiang a ka phaktertu Pathian cung ah kaa lawm. Cun, judge pawl le tha a ka petu zapi cung ah lunglawmhnak tampi ka ngei” tiah zapi sin ah a chim.
Tuzarh zuamnak ah bottom 3 ah Zaw Gyi, Nay Khant Min Thit le Ni Len an thu. Kan hnuzarh zuamnak ah Judge pawl nih Nay Khant Min Thit cu save an tuah i top 4 i zuam ding in a kai kho than cang. Cucaah, Zaw Gyi le Ni Len cu top 5+1 in an tlak cang caah hmaizarh ah aa zuam than dingmi cu Phyo Myat Aung, Chan Mae Mg Cho, Ngwe Zin Hline le Nay Khant Min Thit an si.
Tuzan result show ah judge pawl nih save tuahding program a um lo caah atu bantuk in save tuah um lo in Zaw Gyi le Ni Len an tlaknak hi a si.
Kan hnuzarh top 6 zuamnak i Nay Khant Min Thit a tlak lio i judge pawl nih an save than lio ah, “atu bantuk in a kan save thanmi cung ah kaa lawm lai. Hmaizarh ah minung pahnih a tla dingmi ah kaa tel ahcun phundang” tiah zapi sin ah a chim.
Myanmar Idol hlasak zuamnak title sponsor a petu Pantene nih Ni Len Par Mawi telh in a tla ciami minung 7 kha Myanmar Idol donhhleicung an kai khawh rih than nakhnga vote peknak in caantha an pek rih hna. Minung 7 lakah vote tambik hmutu minung pakhat kha Myanmar Idol donhhlei cung ah a kai kho than lai, aa zuam kho than lai. Hihi Pantene Wild Card le Myanmar Idol donhhlei cung an kai than khawhnak hnga vote pek thimnak in caantha pekmi a si.
Vote pekning le vote pek caan cu; tuzan (July 20) suimilam 10:30pm in July 21 zan suimilam 6:00pm tiang a si lai. Vote cu MNTV Myanmar Idol Application phunkhat lawng in vote pek khawh asi lai. Minung pakhat nih aa zuammi pathum kha vote khat cio pek khawh a si bantuk in duh ahcun minung pakhat nih aa zuammi minung pakhat kha vote 3 ningte in pek khawh zong a si.
Myanmar Idol top finalist chung in a tla ciami minung 7 chung ah Ni Len nih vote tambik a hmuh ahcun Myanmar Idol donhhleicung ah a kai kho than lai, aa zuam kho than lai.
Iphone a hmangmi caah https://itunes.apple.com/us/app/mntv-myanmar-idol/id1400046900?mt=8
Android phone hmangmi caah https://play.google.com/store/apps/details?id=com.myanmaridol.android&hl=en
Tukum Myanmar Idol winner laksawng cu ks. 50 million (sing 500) pek pin ah album chuahpiak a si lai. 2016 kum (season-1) ah Myanmar Idol cotu cu Saw lah Htaw Wah a si. 2017 kum season-2 ah Thar Nge a si.
Myanmar Idol zuamnak cu Cawn ni li zan lengmang tuah a si i Live in zuamnak an dih le cangka zan suimilam 11:00 in a thaizing cawn ninga zanlei suimilam 6:00 tiang mizapi nih vote pek khawh a si.
Mizapi nih thazaang kan pekmi hna vote ning cu Myanmar Idol application kha download tuah in vote khawh a si. Download kan tuahmi application pakhat in minung pathum tiang vote khawh a si.
Cun Ooredoo SIM Card in vote khawh a si. Oredoo SIM Card a hmangmi nih 7777 ah khan voting number na duhmi te khan a tial lai i na kuat lai. SIM Card pakhat in an duh zat paoh vote khawh a si.
Ngaknu Nilen Par Mawi cu Engineering of Electronic Communication (EC) in Yangon ah sianginn a dih mi a si i Make Me Beautiful timi tamhmoih lei zuamnak zongah Myanmar Ram Pumpi huap in aa zuam i a thiambik pathum thimmi tiang aa telmi a si.
Amah hi kum 23 a si i Senthang peng Dongva khuami Pu Hrang Vung le Pi Thluai Iang @Thote nih an ngeihmi fanu hniang bik a si.
Nilen Par Mawi hi Eain Mat Sone Ya ah top 3 i a rak i telmi Nicholas Dawt Kam Sang far nu a si. Hi bantuk in fim cawnnak lei zongah sii-inn zungmawi thiamnak lei in siseh hlasaknak lei zong in siseh bochanmi a si i miphun dang hna lakah Chin miphun mithmai a kan ngeihtertu ngaknu pakhat a si. +++
About The Author
