Thaizing Zing Sml 3:30am Ah A Thua Ding Joshua Van Good Luck Si Ko Seh
The Chinlandpost | January 13, 2024 — A luancia nihnih ah Joshua Van nih UFC a voikhatnak aa thuatnak puai ah Borjas a thuatnak cu Facebook page ah an tar langh than. Mah Video cu nihin ni tiang nihnih chung ah a zohtu sing 9 hrawng an si. A share than mi a thong leng an si. Comment 600 leng le Like petu sang 4 hrawng an si.
UFC nih zarhkhat chung video tawite ah engagement a tuah mi video a hmutu an um tuk lo. Nihin zing ah Joshua Van weight tah a si hnu ah “ASEAN ram, ka mi hna keimah ka ṭhuat ding hi rak zoh te ko uh” tiah a chim mi video tawite ah UFC nih a hun tarlangh ṭhan. Mah video cu suimilam 24 tlin hlan ah a dang video nak in engagement tampi a um.
A sining tak ahcun min thang rih lo mi Prelim Fighter Joshua Van hi an tarlangh piak ṭhantu UFC nih Promote an tuah tuk hna lo. Mah cu ruah tik ah Joshua Van thazang petu Myanmar mipi an tam caah a si lai tiah UFC nih an theih hrimhrim lai.
Thaizing Kevin Borjas he aa tong ding thuatnak ah Joshua Van nih tenglak ah a thuat khawh ko lai caah a ruah hlan ah Myanmar chung Superstar MMA lentecelh hna caah lam a awnh tu a si ko lai.
Thaizing thuatnak ah Joshua Van Chin paral tha Good Luck si ko seh. Thaizing zingka sml 3:30am hrawng ah zoh khawh a si lai.
