Thal Chuah In Surbung Vanlawng Tual Ah Vanlawng Fami A Tum Kho Cang Lai

Salai CungCung|2019 September 5| A ra laimi thal chung ah Chin ramkulh chung a voikhatnak vanlawng tual(Airport) a simi Surbung Vanlawng tual ah Vanlawng fami a tum kho cang lai tiah Chin ramkulh cozah chinphuank nawl ngeitu vuanci U Soe Htet nih a chim.

“Pee 2000 hrawng sak chap ding cu a duh rih ko. Cu a duh mi pawl cu a ra laimi tangka kum ah nuai 800 hrawng dih in kan sak chap lai. Atu kan dih cang mi pee 4000 chung ah Vanlawng fami cu (test)nak ah ah kan tum ter cang lai. Hi vanlawng fami tum ding a tha maw tha lo (test)timh mi cu ramkomh cozah hnatlaknak in kan tuah mi a si” tiah Minister U Soe Htet nih a chim.

Vanlawng certual caah a herh mi thilri  (Terminal)  Airport zung pawl cu a ra laimi October thla chung ah sak hram an thawk lai tiah kan theih.

“Tu lio hi riantuan kan i dinh cu a si lo, ruah a tam tuk caah rian tampi kan tuan khawh lo tu hi a  si. Budget zong tukum caah timhtuah mi cu a dih pah cang. 2020 tangka kum ah budge thar in kan peh zulh lai i a herh mi thilri le zung pawl zong kan sak dih lai. Vanlawng tual a zapi a dih tiang hi cu 2020 October thla hrawng ah a si te lai” tiah minister Soe Htet nih a chim chap.

Surbung vanlawng tual cu rili in pe 6000 a san nak hmun ah a um mi a si i vanlawng tliknak a sau pe 6000 le a vang pe 1000 a kau mi a si lai i ART-72 vanlawng phun a tum kho lai tiah kan theih.

Hika ah ChinTimes TV nih surbung tlang vanlawng tual an cawhmi video an thlakmi zoh chih khawh a si.

 

(Ref: Chin World)

Leave a Commnet

%d bloggers like this: