Thanlyin ah SAC ralkap anmah le anmah an i kap, Captain telh in 9 an thi

0

The Chinland Post | 2022 September 1 – Yangon ramṭhen, Thanlyin peng, Sitpinkwin ah August 31 zaan sml 10:00pm luan hrawngah himnak la ding in rian pekmi ralkap 2 anmah le anmah bia an i al i an kah ruangah SAC ralkap 9 an thi i 2 an i hliam tiah theih a si.

A thimi chungah Captain Myo Han, ralkap Aunglay, Lin Lin Htwe, Naing Gyi, Myo Min Khant, Thein Aung, San Win lengah kum 50 le kum 20 nu pahnih zong an i tel i ralkap 1 le kum 10 hngakchia 1 fak ngai in an i hliam tiah theih a si.

“Himnak an lak lioah an i si hna. Mah le mah zong thei loin an ri i an kut cungah meithal a um fawn i an i kap ko. A ṭhentu hna zong an khen dih hna. A thi colhmi an tam. A kaptu pahnih cu hriam he an zaam i zaan ah an kawl hna” tiah khuami pakhat nih RFA ah a chim.

Anmah le anmah kahnak hi 20mins leng a rau i voi 40 leng an i kap tiah theih a si.

Kahdohnak a chuah hnuin a thimi pawl kha sizung mawṭaw in an rak lak hna bantuk in ralkap 100 hrawng nih Sitpinkwin khua chungah inn khat hnu inn khat lut in an kawl hna tiah khuami nih an chim.

About The Author

Na ruahning rak langhter ve.. (Leave a comment)

%d bloggers like this: