Thantlang Tho Puai Ni Ah Miss Thantlang Thimnak An Tuah Lai
Salai Elvis| 2018 Tho 7| Thantlang khuachung ah avoi khatnak tuahding mi Miss Thantlang (Thantlang khuachung leengdawh bik) thimnak cu October 24 zan ah TYA (Thantlang Youth Association) tawlrelnak in an tuah lai tiah thawng kan theih.
Miss Thantlang zuamnak cu Thantlang khuachung biaknak lei in sang 7 chungah minung pahnih cio chuahpi an si lai i aa zuamding minung an um rih ko ahcun minung pahnih cung cohlan in mincazin pek khawh a si te lai tiah tawlreltu upa hna nih October 5 Meeting ah biachahnak an tuah. Hi zuamnak cu October 24 (THO puai zan) ah Thantlang Sianghleiruun Chungkhar (TSC) nih, TSC (Tho) Concert he peh in thimnak tuah chih a si lai. Mah zuamnak laksawng cu Thantlang khuachung um NGO pakhat a si mi Marie Stopes nih sing 5 Sponsor a pek lai tiah theih a si.
“Miss Thantlang tuahnak kongah Committee kan i tong than lai i a herhmi mark pekning cang, tum tah ning cang pawl, laksawng pekning le minung pazeizat dah thim an si lai timi cu kan ceih than te lai” tiah tuanvo ngeitu upa pakhat nih TCP ah chim.
“Miss Thantlang cu atu hi avoi khatnak tuahding a si lai caah mizei dah Miss Thantlang a si te lai timi theih kaa hngahhlang ngaite. Atu bantuk in TYA nih tuah an timh hi a tha tuk. Hi pinlei zongah Miss Thantlang (Tho) timi min hmun peng dingin kan tuahpiak peng hna seh law a tha lai” tiah Thantlang mino pakhat nih TCP ah a chim. ++++
About The Author
