Thantlang Ah Motor Pahnak In Pa Siang Cung Uk A Hmun Ah Thi Colh

Salai Elvis| 2018 May 28| May 28 zanlei sang ah Thantlang khuachung Market sang COTR biakinn lampial pawng ah Motor (thilphur ) le Cycle an i pah caah cycle mawngtu Pa Siang Cung Uk (kum 19 hrawng) a hmun ah a thi colh.

An i pahlio a hmutu nutung pakhat nih, “motor hi a hmai deuh ah a kal a hnu in Cycle a ra i motor cu lonh a timh pah, laklawh pah in a um. Tlawmpal ah Cycle nih cu motor cu lonh pah in a hnur chih i a tlu i motor nih a rial pah chih” tiah a hmutu nutung pakhat nih The Chinland Post ah a chim.

A tluk tikah motor nih mipa cu a taang le a ban rial chih tiah mi tam u nih an i ceih cumh hna. A thimi Pa Siang Cung Uk hi Khualhrintlang in Thinghual khuami a si.

“Motor maw palh cycle dah a palh tiah kan hlat liopi a si”” tiah Thantlang motor PK pakhat nih The Chinland Post ah a chim.
A ruak cu phungning in sii-inn ah siibawi te hna nih hlathlainak an tuah liopi a si.

Atu hi motor mongtu pakhat cu Palek nih thong ah an kalpi colh tiah kan theih.

Na ruahning rak langhter ve.. (Leave a comment)

%d bloggers like this: