Thantlang Chin Miphun Ni Ah Ramkomh Khuallian Hna Pin Ah Khual 1000 Tluk An Phan Lai

Salai Elvis|2020 January 15| A kum 72nak Chin ramkulh huap in Thantlang ah tuah ding mi Chin Miphun Ni ah Kawlram Ramkomh khuallian upa hna telh in khualtung dihlak minung 1000 leng an phan lai tiah theih a si.

Tutan Thantlang khua ah tuah ding mi ramkulh huap in Chin Miphun Ni hman nak chungah kan mah Thantlang khua upa le Committee hna nih kan zoh ning hna ah khuallian ah President U Win Myint a si lo le Daw Aung San Suu Kyi pakhat paoh an ra te lai. Mah hna he telh in VIP minung 500 hrawng le cu pin ah ka dangdang in nunphung le a laam ding phu hna zong minung 200 tluk, ramkulh le le ramthen dangdang in tuanvo ngeitu hna pin ah Mizo ram le in kan unau le hna zong sawm an si, Cun Thantlang laihri tlai unau ram leng um mi hna zong minung 100 leng sawm an si hna i cu hna zong cu an tlung pah te hna lai. Cucaah ah tawlrel tu upa hna nih kan ruah ning le ihzau nak kan tuaktan piak mi hna hi minung 800 in 1000 kar an si hna. Cu chungah khua chingchan a laang in a rak zawh tibantuk an i tel rih lo.” tiah tawlrel tu upa a si mi Pu Ram Khar nih TCP ah a chim.

Thantlang Chin Miphun tuahnak caah khuami nih budget sing 600 chuah dingin timhtuahnak ngeih a si, cu chungah khuami chungin thawhvo phawt pin ah Hakha, Kalay, Tamu um khuami le theihhngalh mi hna  sin ah zong ah tlawmsuknak zong an tuah lio pi a si. Khi ni ah hlasak thiam Sung Tin Par le chungkhar hna zong sawm dingin timhtuahnak an ngei tiah theih a si.

Tukum Thantlang Chin Miphun Ni ah  Pi Ngun Thluai Chin Ishikawa zong khuangcawi a si lai. Khi can chungah Thantlang khuapi nih Dinti lak mi zong ramkomh khuallian a  tlung mi nih hunnak a tuah chih lai. Thantlang Chin Miphun Ni cu Febuary 19 in 20 tiang BEHS No.2 sianginn chak hmunthar ah hlunghlai tak in tuah a si lai i Chin ramkulh huap in Thantlang khua ah avoi khatnak bik Chin Miphun ni an tuah zong a si. +++

 

Na ruahning rak langhter ve.. (Leave a comment)

%d bloggers like this: