Thantlang Chin Miphun Ni Ah Romkomh Huap In Khuallian A Tlung Ding A Fiang Rih Lo

Photo: TCP- Salai Elvis-Thantlang Chin Miphun Ni tuahnak ding timhtuah mi

Salai Elvis|2020 Febuary 17| Akum 72nak ramkulh huap in Thantlang khua ah tuah ding mi Chin Miphun Ni ah ramkomh huap in sawm mi khuallian, President U Win Myint le Daw Aung San Suu Kyi ah mizei dah an tlung lai timi a fiang rih lo tiah Chin cozah chimphuannak nawl ngeitu vuanci U Soe Htet nih Febuary 17 ni ah a chim.

Chin Miphun Ni tuahnak ding caah Ni li lawng caan aa duh cang nain ramkomh huap in khuallian a tlung ding a fiang rih lo.

“Tutan Chin Miphun Ni hmanpi ding ramkomh khuallian sawm mi mizei dah an ra lai timi cazin kan thei kho rih lo. Online chung ah rampi ruahnak petu Daw Aung San Suu Kyi a tlung lai tiah an chimceih len. Kan mah sin ah cun phungning in mizei dah a ra lai  timi a dikthlir in thawngthanh nak a um rih lo.”tiah vuanci U Soe Htet nih The Chinland Post ah a chim.

Aung San Suu Kyi Hakha a phak lio

Hi kong he pehtlai in Hluttaw Speaker Pu Zo Bawi nih “Aung San Suu Kyi a rak tlung tiah an chim ko, a tlun ding zong a fiang pah ko.” tiah Febuary 11 ni ah Kawl Media pakhat a si mi 7Day News Journal ah a rak chim.

Tutan Thantlang Chin Miphun Ni ah ramchung ramleng in sawm an si pin ah Mizo ram lei zong in tuanvo ngeitu hna le Lawngtlai lei in Lai Student Association (LSA) pawl hna telh in minung 40 reng lo an tlung lai tiah theih a si.

 

Na ruahning rak langhter ve.. (Leave a comment)

%d bloggers like this: