Thantlang Chin Miphun Ni Paih Laksawng Phun Li An Tuah Lai

Salai Elvis|2020 Febuary 15|

Akum 72nak ramkulh huap in Thantlang ah tuah dingmi Paih bual ah Laksawng phun 4 an tuah lai tiah theih a si.

Cu laksawng hna cu Zuamcawh pakhatnak le pahnihnak, Club pakhatnak, a tambik a tei tu le Zatlang paih ah buanco tiin Laksawng phun li a um lai. Hi phun li chungah pakhatnak laksawng poh Ks.500,000 le Roca pek dih an si lai. Laksawng hi mah pin ah a lenglei in  bawmtu an um si cun a herh ningin kan chap than hna lai tiah tuahvo ngeitu upa Pu Sing Cung Bik nih a chim.

Paihnak ding hmun (Thantlang)

“Zatlang paih cu ni 19 zing suimilam 10 in kan thok lai i zanlei 6 tiang a si lai. Ni 19 ni zatlangpaih ai Pai mi chung ah a tei tambik minung 16 kan thim hna lai i a thaizing ni 20 khi zinglei biachimnak a dih hnu in thok a si than lai i zanlei 6 tiang hrawng tuah a si lai. Zatlang paih a tei tambik minung 16 kan thim mi hna kha zuamcawhnak chungah an lut te lai. Cun ni 20 thiamthiam ah khin Club paih zuamnak zong Club (phu) 8 in kan cohlan hna lai i an i pai lai.”tiah Paih Committee Pu Siang Cung Bik nih TCP ah a chim.

Photo: (Uk Ling Thang) a mah pumpak Facebook

Club in luh duh mi  paoh kha ni 19 hlan ah min nan pek dih lai kan ti hna le a tu ni tiang ah Vanzang le Hniarlawn Club nih an pek cang, a dang Club cio zong mincazin pek khawh rih a si.”tiah a cunglei upa nih a chimchap.

Tutan ah ramleng in ai Pai ding Uk Ling Thang (Hniarlawn) le Biak Hlei Sang (Surkhua) hna zong Lai tlang an rak tlung cang tiah theih a si.

Na ruahning rak langhter ve.. (Leave a comment)

%d bloggers like this: