Thantlang Chin Miphun Ni Zuamcawh Paih Champion Ks.100,000 Pek An Si Lai
Salai Elvis| 2019 February 19| Akum 71nak Chin Miphun Ni Thantlang ah tuahding mi zuamcawh paih pakhatnak laksawng cu tangka singkhat (100,000) laksawng pek an si lai tiah tuanvo ngeitu sin in kan theih.
Cubantuk in zuamcawh paih pahnihnak ks.50,000, tam cem tei ks.50,000 le minung pakhat tei ah 2000 laksawng pek an si fawn lai. 2018 kum 70nak Thantlang CND ah zatlang paih pakhatnak cu Van Uk Peng a si i zuamcawh paih pahnihnak zong a mah thiam nih a hmuh.
Zuamcawh paih pakhatnak cu Tawk Peng Lian a si i laksawngah tangka singkhat (100,000) le Lai puan an rak pek tiah kan theih.
Tutan Thantlang CND cu zinglei suimilam 8 in biachimnak ngeih a si lai i chun ah Cakei fim hmuhsaknak, ruapar kai le a dangdang nuamhnak zong an tuah chih lai. Chun 12:00 hrawngin Paih an thok lai i zanlei 5:00 hrawngah an dihter te lai. Tutan CND tuahnak caah Committee nih sing 80 tluk dih dingin Budget an suaisam tiah kan theih.
About The Author
