Thantlang Health Care Ministry Nih Sii-inn Oxygen Dur 10 Cawknak Sing 5 An Hlut

0

Salai Elvis| 2018 June 7| Thantlang Health Care Ministry (THM) nih Thantlang sii-inn caah Oxygen dur 10 cawknak a tangka in sing 5 le sii-inn it mi mizaw minungpakhat 10,000 cio June 6 ah bawmhnak an pek hna tiah theih a si.

“Hi riantuannak ah kan i hmaithlak bikmi cu mizaw an si. Cu bantuk in Thantlang sii-inn pi ah rianrang in a herh colhmi Oxygen kan herh bik an ti caah, buak tlakin pakhat ah 50,000 man dur 10 cawknak ks.500,000 kan bawmh hna. Mah ni ah sii-inn chung mizaw it mi hna zong minung pakhat 10000 cio kan pek chih hna” tiah tuanvo ngeitu Rev. Neely Lai Uk nih TCP ah a chim.

Hi riantuannak cu CEBC (Chin Evangelical Baptist Church) INDY le JMBC Khrihfabu i bawm in riantuan mi a si i a bik in mizaw harsa hna thlakhat voi khat thlacampiak pah in bawmhnak pek an rak si. An riantuannak zong thawng deuh le kau deuh in riantuan an i tim tiah theih a si.

“CEBC he rian kan tuantinak a min hi Thantlang Health Care Ministry (THM) tiah min kan pek i kum thum le cheu tluk rian kan tuan cang. Kan riantuannak zong hinak in kauh deuh kan i tim. A bik in khual in Thantlang sii-inn ah a zawfak mi le a thi hna zong (chungkhat ngei lo mi hna) kanmah nih zohkhenh le bultawl, i cu bultawlnak inn zong sak dingin timhtuahnak kan ngei” tiah Rev. Neely Lai Uk nih a chim.

About The Author

Na ruahning rak langhter ve.. (Leave a comment)

%d bloggers like this: