Thantlang Kahdohnak Ah SAC Ralkap 3 An Thi, 2 A Nung In An Tlaih Hna
The Chinland Post | 2023 August 21 — Chin ramkulh, Thantlang khua ah a um mi LIB 269 Battalion Headquarters cu CNA le CDF phufonh nih August 14 ah an kah hna i SAC ralkap Haukabung Company (တပ်ခွဲ) an lak khawh tiah thawng theih a si.
August 14 zinglei sml 5:00am thawk in CNA, CDF-Thantlang, CDF-Hualngoram, CDF-Zophei phufonh hna nih SAC LIB 269 an kah hna hi a si i SAC ralkap Haukabung Company (တပ်ခွဲ) pakhat an lak khawh, SAC ralkap 3 an thi i SAC ralkap 2 a nung in an tlaih hna leng ah hriam zuun 6 zong an lak khawh tiah theih a si.
Haukabung sakhaan lak kahdohnak chung ah hliam a tuar mi SAC ralkap 6 hrawng zong Hakha sizung pi ah an thlop hna tiah theih a si.
Kahdohnak chung ah CNA, CDF phufonh lei in 5 an nunnak a liam i SAC ralkap nih Khuafo le Ramthlo ah kahdohnak vanlawng in bom a thlak caah biakinn telh in mipi inn zong an rawk tiah an thanh.
