Thantlang, Kanpalet, Falam Le Tedim Hna Ah Myoma Market An Sak Lai

Salai Elvis| September 11| Chin ramkulh khuapi Thantlang, Falam, Kanpalet le Tedim khua hna ah Myoma Market an sak lai i a satu ding Company ah Laimi nih tlaih mi Company telh in Company pahnih nih an sak lai tiah theih a si.

Company pahnih lawng nih an sok caah Kanpalet le Thantlang cu Global Development Group le Falam le Tedim cu Chin Public Company (CPC) hna nih an sak te lai tiah sipin vuanci nih a chim.
“Tendar committee nih cun kan thim cang hna nain tutan ni nga ni ah ramkulh cozah Cabinet meeting ah an sok ning cang cu chim phuan le fehternak ngeih a si te lai. Khi khawh in an sak ning inn Design, drawing le estimate pawl suai dih hnuah rian an thok te lai” tiah sipin vuanci U Soe Htet @ Salai Me Luh nih TCP ah a chim.

Myoma Market an sak dingmi cu cozah tangka tel lo in a satu Company nih an mah tangka tein an sak hnu ah an dihmi he aa ruang tein dawr khan pawl an zuar than te ding a si tiah kan theih.+++

Na ruahning rak langhter ve.. (Leave a comment)

%d bloggers like this: