Thantlang Khua Ah Community Base Facility Quarantine Thilri A Ho TheihLo Minung Nih An Hrawh
Salai Bawi Lian Sang| TCP-Kalay| September10,2020| COVID-19 pulrai runvennak caah ramdang tlung mi hna le ramchung zawtnak hrik a kharhnak hmun in a rak tlungmi hna caah Community Base Facility Quarantine umnak Thantlang sang No.(3)nak um Lentecelhnak inn chung ummi ihkhun le adangdang thilri cu aho ti theihlo minung pawl nih an hrawh.
September 9 zanlei 6 ah an hrawhmi thilri pawl cu Thantlang peng COVID-19 runvennak lutlai penguk bawi U Aung Shwe Myint , U Tin Aung Win le Palik bawi U Win Naing hna le tuanvo ngeitu hna nih Community Base Facility Quarantine thilri rawk mi remhthan dingin a hmun ah a va zoh .
Mah thilri a hrawk tu minung pawl a rannak in hlathlai in tlaih khawh an i zuam lio a si tiah thawng theih a si. Thantlang IPRD