Thantlang Khua COVID-19 Mizaw Umnak Ding Hmun Hnih Ah An Zoh

TCP-Thantlang|2020 March 30| Vawlei pi nih a buaipi mi COVID-19 lunghrinh le dam lo Thantlang khuachung ah a um sual ah cun tiin mizaw hna um nak ding hmunhma pahnih ah an zohfel cang tiah theih a si.

Hi zawtnak kongah lunghrinh mi le mizaw an um sual ahcun tiin  tuanvo ngeitu hna le hi kongah Committee ser mi hna nih BEHS No.2 sianginn ah ih khun 20 tlum le Indoor Stadium (lent e celhnak inn sak thar mi) hmun zong a herh ningin hman chih a si lai.

Mah zawtnak kongah Cozah lei tuanvo ngeitu hna pin ah a dang tein khuanu/pa le sangchung khuabawi hna telh in Committee ser a si. Mah pinah Thantlang COVID-19 Community timi phu zong ser than a si i hi hna phu nih ni hnih chung (March 28-29) lawngah siantawk thawh le tlawmsuknak in Ks. 1,415,000 renglo an hmuh cang i ramleng lei in GOFUNDME zong an ser i March 30 tiang ah $1,990 hmuh a si cang. Tangka an hmuh chom le a chuak chom in siizung caah runvennak thilri herhhai pawl zong cah chom lengmang  a si.

Atu lio ah Thantlang khuachung ah a hlankan timhtuahnak; khuachung ah kut tawlnak hmun hnih ah chiah a si cangnak, Tuanvo ngeitu hna nih khauchung ah ralrinnak tlangau,  khual chok hlat mi zong Laipawnglung ah chekfel peng an si nak, A herh ningin mino 30 tluk Volunteers in phu ser a si lainak kong Thantlang khuachung ah a kapkip in tuanvo ngeitu hna an cawlcangh lio pi zong a si.

Na ruahning rak langhter ve.. (Leave a comment)

%d bloggers like this: