Thantlang Khua Motor Le Seh Thilri Paoh Ngunkhuai Pekding Zat Sipin Nih Ri A Khiahpiak Cang Hna

0

Salai Elvis| 2018 July 5| Thantlang khuachung motor, cycle le JCB tibantuk sehthilri paoh sipin ah ngunkhuai pek ningning cu July 5 motor ngei le thil thlatu hna he tonbiaruahnak ah a tu bantuk in ri an khiahpiak hna tiah theih a si.

Hi ngunkhuai pek ning cu Mini budget September thla tiang (kum cheu) ca lawng ah pek dingmi a si. Thilphur motor nganmi cu ks. 12,500, SKAT motor 10,000, Pawng-hmuk motor 10,000, Jeep motor 5,000, Kethum motor 5,000, JCB 15,000, set-kyi (lam cawhnak theng) 25,000, Light Truck motor caah 5,000 le Cycle pakhat ah 1,000 tiin kum cheu ca sipin zungah ngunkhuai an pek hna lai.

“April thla in rak thok cangding a si nain rian dangdang kan tuannak ah atu lawng hi thawng kan thanh khawh hna. Hi ngunkhuai an pekmi cu September thla tiang lawng a si lai caah kumkhat ca an pek ding a cheu lawng pek ter rih an si. October thla in pekter than an si lai” tiah Thantlang sipin lutlai Thluai Iang nih TCP ah a chim.

Atu lio Thantlang khua chungah thilphur motor nganmi 16, SKAT motor 17, pawng-hmuk motor 14, Jeep motor 14, kethum motor 10, JCB 18, a kethir si mi lamcawhnak theng 2, Light Truck motor 4 le Cycle 200 tluk an um tiah theih a si. +++

About The Author

Na ruahning rak langhter ve.. (Leave a comment)

%d bloggers like this: