Thantlang khua SAC ralkap hriam chiahnak CNA, CDF nih Drone in bom an thlak
The Chinland Post | 2023 February 28 — Chin ramkulh, Thantlang khua hrambunh SAC Infantry 269 hriam le eidin chiahnak cu CNA, CDF-Thantlang nih Drone in bom an thlak hnawh tiah thawng theih a si.
February 26 ah SAC nih Thlantlang khua hrambunh Infantry 269 sin ah Mi 17 Helicopter in hriam le eidin thazang a rak chap lio ah CNA, CDF-Thantlang nih Drone in bom an thlak hnawh hna caah an buk a kaang tiah theih a si.
Cun Thantlang khuachung kahdohnak chung ah SAC nih Jet Fighter in kahdohnak a tuah caah mipi inn cheukhat zong a kaang chap tiah Chinland Information Center nih a langhter.
Chin ramkulh, Thantlang khua ah nifatin in kahdohnak a fak i SAC nih vanlei kahdohnak voi tampi a tuah. Kahdohnak chung ah mipi hriamtlai phufonh lei in a nunnak a pe mi cheukhat an um bantuk in hriam le kuan tamtuk zong an hman cang tiah theih a si.
About The Author
