Thantlang Khua Sipin Area Le Khuachung Area An Kauh Lai
Salai Elvis| 2018 November 8| Thantlang khua Town Plan Committee le tuanvo ngeitu hna nih November 1 ah khuaram kongkau ceihmainak an ngei i cu chungah a bik in Thantlang khua chung Area le Sipin Area cu kauh chap ding in bia an chah hi a si.
Sipin Area an kauh chap ning cu; Vankham tlang, Vuichip tlang paoh ti chuahnak le tilaknak caah humhakmi (zi-thing) area ah chiah ding le khua Area cu Buva-Lahva aa tonnak hmun in khualu lei Ruaphai va in Hnaring lamthlang vialte, Hakha lam lei ah Van Cem tlaknak va (Pu Thang Hrin Sia zuatnak phaklai hor kung) in Buva tiang cu kauh chap dingin an tawlrel lio pi a si.
Mah an bia ceihchahmi cu ramkulh cozah sin tiang a phan lai i Cabinate nih biachahnak an tuahpiak te hna lai. Atu lio Sipin Area le khuachung (myo)Area an kauh chap ning in Sipin Area cu a bit kauh 12,960 ekah a si lai i khuachung Area cu 2059.44 ekah a si cang lai.
Thantlang khua cu (sea level) rili in pe 4,962 a sannak hmun ah a um mi a si i sangthen 3, inn 2,000, innchungkhar 2,068. Minung 9,046. BEHS (siangsang ruun 2), palek zung 1, sianglai ruun singinn 1 le siangniamruun (a-ma-kah) sianginn 2 a um tiah theih a si.
About The Author
