Thantlang Khuachung AC Nylon Kat-ta-ya Phahnak Rian An Thok

0

Thantlang khualuh hauka Nylon kat-ta-ya an phah liomi

Salai Elvis| 2019 March 26| March 24 chun in Thantlang khuachung AC Nylon Kat-ta-ya phahnak rian cu Hakha lei luhnak hauka in riantuan hram an thok cang tiah kan theih.

Hi AC Nylon kat-ta-ya cu Ks. sing 700 leng dih in ramkulh sakremhnak zung nih tuanvo lak in Thantlang sakremhnak Engineer nih zohfel in rian an tuan hi a si. Hi rian cu ni 15 tluk lawng an rau te lai tiah kan theih.

Thantlang khualuh hauka Nylon kat-ta-ya an phah liomi

AC Nylon kat-ta-ya cu Thantlang khuachung lamthlur pi KM khat le cheu chung (cu-subar-ih in Market sang lam tonnak tiang) an phah lai.

“A tangmi zong hmaikum chungah an pehzulh than te lai. Tukum chungah Falam, Thantlang le Hakha sii-inn lam phah cuahmah an si” tiah vuanci Sui Thio nih a chim.

Thantlang khuachung AC Nylon kat-ta-ya phahnak papek in riantuan ding kong zong 2018 kum Vice President Henry Van Thio Thantlang khua a rak tlawn lio ah khuanu/pa hna nih an rak hal mi zong a si.

Thantlang khualuh hauka Nylon kat-ta-ya an phah liomi

AC Nylon kat-ta ya cu 2017 kum January 1 in Hakha khuachung in rian rak thok a si hnu ah 2019 kum Falam khua chung zong March 2 in KM pathum tluk riantuan hram an thok cang, tukum chung lila ah Mindat khua chung KM pakhat le cheu, Hakha sii-inn lam an phah dih in le hmaikum lei ah Tedim, Hakha Cherry lam le Thantlang khuachung a tang mi an pehzulh than te lai tiah kan theih.

About The Author

Na ruahning rak langhter ve.. (Leave a comment)

%d bloggers like this: