Thantlang Khuachung Cuanhnak Cangdonh Hlei An Lim
Salai Elvis| 2018 July 19| Thantlang khuachung cuanhnak (View point) minung kainak (step) cangdonh hlei ks. sing 195 dih in tuahmi cu rian an lim cang, a tangmi a lam zong rian hma an pehzulh tiah theih a si.
Hi cangdonh hlei cu RC biakinn in View point hmun tiang cangdonh hlei pe 200 kaiter a si i pe 100 dan ah dinhhmun zong tuah chih a si. Hi rian cu Vuichip Company nih a tlaihmi a si. Mah pin ah BEHS No.2 sianginn lam pial zalam pi in RC biakinn tiang cangdonh hlei (meter 61) sing 12.000 dih in le khuacuanhnak lam kainak lungphah ding (meter 271) sing 10.000 zong September thla chung dih dingin Company pahnih nih rian an tuan lio a si ve.
Hi khuacuanhnak tlang ah Tower pi zong bunh dingin saduhthahnak an ngei i hi hmun lila ah sipin hruainak in Thantlang peng chungin minngei mi minung pathum Vice President Pu Henry Van Thio, Pu Lal Luai le Pu Van Kulh philhlonak rolung zong phunpiak an timh hna tiah theih a si.
About The Author
