Thantlang Khuachung Hmurhuh Lo In Aa Chok Mi Minung 75 Cu Minung Pakhat 5,000 Cio Dantat An Si Cang

TCP-Thantlang|18 May 2020|  May 1 thok in khuachung le dawr ah aa chok vak mi hna nih hmurhuh (Mask) i huh dih ding le aa hup lo mi minung pakhat 5,000 dantat ding tiin Penguk zung nih nawl a rak chuah.

Nawl a chuah ni May 1 thok in May 18 tiang ah nawl ngai lo minung 75 hna cu minung pakhat ah Mask pakhat pek in  5,000 cio liam ter in dantat nak tuah an si cang.

penguk zung nih May 1 ah nawl a rak chuah mi.

Khuanu/pa le cozah lei i bawm in COVID-19 i runvennak Committee le  mino volunteer team hna i bawm in mizapi sin ah ralrinpeknak, thawngthanhnak le a tu bantuk in zalam cungah Mark i hup lo in aa cho vak mi chek le zohfel nak an ngeih hi a si.

Hi zawtnak kong he pehtlai in cozah lei nih ralrinnak zulhphung ser mi a ngai lo mi hna cu upadi ningin dantat an si rih lai nak kong penguk zung lutlai nih a chim. A tu lio Thantlang khua chungah COVID-19 zawtnak hrik ngei minung pakhat a um cang i Hakha siizung ah aa thlop lio a si tiah kan theih. (Ref:iprdthantlang)

Na ruahning rak langhter ve.. (Leave a comment)

%d bloggers like this: