Thantlang Khuachung Kutzungthiam Zatceo Lawngnih License An I Tuah

0

photo: Mg Pauk

Salai Elvis| 2018 July 19| Thantlang khuachung phungning in kutzungthiam (let-ta-ma) hna nih License tuah hnu lawngah riantuan khawh a si canglai tiah sipin nih nawl a chuahmi cu zatceo tluk lawng nih License an i tuah rih tiah kan theih.

Thantlang khuachunga kutzung thiam 150 in 200 kar an um lai tiah ruah damh a si. June thla chung ah tuahter dih an si i hi chungah minung 96 lawng nih phungning riantuan khawhnak License an i tuah.

“June thla chung ah tuah dih u kan ti hna. Chekhlatnak kan tuah tikah kan ngoltermi hna taktak le dantat taktakmi cu an um rih lo. Kan hmuh hna i kan theih hna ah cun kan ngolter hna lai i License kaa tuah lai an ti si cun kan tuahpiak hna lai. Inn ngeitu hna nih sipin ah inn saknak nawl an hal tikah kanmah nih License aa tuahmi chungin inn ngeitu cu kan chimh i License ngeimi chung minung aa fial hna lai. A fawinak in Inn ngeitu hna in kutzungthiam pawl kha kan tlaihhip/Contol hna lai ti khi a si” tiah sipin Committe Pu Nawl Ceu nih TCP ah a chim.

Kutzungthiam cheukhat hna nih License tuah hau lo, cu hlan zong tuah a si bal lo i tuah hau lo a timi zong an um len tiah theih a si.

Thantlang sipin nih License tuah ning cu phunthum ah thenpiak an si i nikhat ah 1,000 in 10,000 hlawh a lami cu minung pakhat nih 15,000, nikhat hlawh ah 11,000 in 14,000 a la mi hna caah 20,000 le nikhat hlawh 15,000 cung paoh aa hauh mi hna kutzungthiam caah minung pakhat nih 25,000 dih in License tuah an si lai tiah sipin nih ri a khiahpiak hna tiah theih a si.

photo credit: Mg Pauk

About The Author

Na ruahning rak langhter ve.. (Leave a comment)

%d bloggers like this: