Thantlang Khuachung Ruahsurmi nih Dawrkhan 5 A Hrawh Caah An Zamtak

0

dawrkhaan an theh hlan

Salai Elvis| 2018 June 18| June 10 hrawng pehtlai in ruah a surmi nih Thantlang khuachung sianginn sang, Lalluai certual kam dawrkhan 5 cu a hrawh caah dawrngeitu hna nih June 13 ni ah an zamtak tiah theih a si.

Lalluai cerhtual ah luti luannak a um lo caah luti cu aa dil i a tubantuk in dawrkhan 5 a hrawh hi a si.

Thantalng dawrkhan zaamtakmi

“Kan dawr hi dothnih a si, a dohhnihnak le certual vawlei aa zawn i certual luti vialte cu a luannak um lo caah kan dawr cung ah aa dil viar, kan thilri zong a zuh len. Asinain nihnih thum cu kan i chang rih. Asinain tih a nuntuk caah kan chuahtak hi a si. Kan dawr cung ah luti hi khuk can in aa dil, kan dawr chungah luti a rak lut i kan dawrkhan chung ahcun luti luannak ding zong kan zirpiak. A vam ah tlakrawh an chawnmi zong an kak i kan dawrkhan cu an sawn dih caah kan chuahtak hi a si” tiah dawrkhan a chuahtak mi Nu Pen nih TCP ah a chim.

Hi dawrkhan ah eidin dawr khan pali, le facang zuarnak dawrkhan pakhat a um. Mah dawrkhan an chuahtakmi he aa tlaimi ah a tu tiang a chuahtak rih lo mi pahnih an um rih tiah theih a si.

Thantalng dawrkhan zaamtakmi

Hi dawrkhan cu zaanglekcelhnak zung nih tlaihmi a si i dawr ngeitu nih tuan deuh ahcun kum cheu caah 7200 pek a si tawn nain atu ahcun dawrkhan pakhat nih thlakhat ah 5000 pek an si cang tiah theih a si.

About The Author

Na ruahning rak langhter ve.. (Leave a comment)

%d bloggers like this: