Thantlang Khuachung Siang Cachim In Sianguk Reng Minung 6 An Kai
Salai Elvis| 2018 May 15| 2018-2019 cacawn kum thok in siangsangruun cachim rian in sianguk (sayagyi) rian ah Thantlang khuachung BEHS (No.1 le No.2 ) sianginn in minung 6 an rengkai tiah thawng kan theih.
BEHS (No.1) siangsangruun in a kai mi hna cu Saya Lian Aung cu Hmawngtlang khua siangsangruun sayagyi ah le Saya Joshua cu Tlangpi siangsangruun sayagyi ah an kai.
Cu bantuk thiam in BEHS (No.2) in a rengkai ve mi cu Saya Hram Ling (Farrawn) Saya Mang Bik (Thangzang), Saya Hei Sang (Zephai) le Saya Tawk Mang (Sialam) an si.
Hi hna pawl cu sainglairuun ah siangukrian tuan ding an si. Atu lio BEHS (No.1) sianguk thar a rak i thial ding cu Surkhua sianguk Eng Cem a si lai. A mah cu Thantlang ah caan saupi siangcachim rian a rak tuanbal cang mi a si i Surkhua ah kum (2) tluk sianguk rian a tuan hnu ah a rak i thial than hi a si. Cu bantuk in a mah changtu ah Saya Ngun Uk a si lai tiah theih a si. Sianguk Eng Cem cu BEHS (No.1) sianguk a pa (9) nak a si lai tiah theih a si.
BEHS(No.2) sianguk cu thlenremhnak a um lo caah a tu a tuan lio mi Sayamagyi Ngun Pen a si rih lai.
Tukum Thantlang khuachung sianginn luhnak cu May 23-24 luhnak(form) lak a si lai i May 25 sainginn i ap in kai colh a si lai tiah theih a si.+++
About The Author
