Thantlang Khuachung Sianginn Sang Ti An Har Caah An Mah Tein Ti An I Cawk

0

TCP-Thantlang| 2019 April 2| March 30 chun suimilam 1 tluk ah Thantlang khuachung sianginn sang cheukhat cu dinti an har caah mei thahnak zung nih dinti an then phawt hna tiah kan theih.

Sianginn sang cheukhat dinti an a harmi nih tuanvo ngeitu hna sin ah thawngthanhnak a um lo caah a tubantuk in anmah tein dinti an cawk hi a si.

“Kan sang chung cheukhat dinti an har caah meithahnak zung nih ti cu an vun ngalh hna. Kan sang ningpi in kan si lo, inn li-nga hna i bawm in le an mah tein an i cah hi a si. Meithahnak motor in dinti kan cah tawn ah hin motor lian mi pakhat ah 50,000 in kan cawk. Tutan kan sang chung dinti an harnak kongah hohmanh nih sipin sin ah kan chim piak timi an um lo caah an mah tein ti cah hi a si” tiah sianginn sang khuabawi Pu Van Tlir nih TCP ah a chim.

Thantlang khuachung dinti har mi bawmhnak caah KBZ Bank nih tiphurhnak motor pahnih a pek ko hna nain, tukum chungah dinti a harmi hna sang nih thawngthanh nak an tuah lo caah an phawzam rih hna lo tiah kan theih.

“Sianginn sang dinti kan harnak cu milu kan tam tuk caang caah ti kan i zat lo nak cu a si ko. Alak in dinti peknak KBZ Bank nih bawmh mi motor pahnih a um ko. A tu ni tiang ah cun kan cah rih hna lo, a ruang cu ti kan hartuk rak kan cah piak ti an chim lo. Tu hnu ah dinti an har ah cun an ka chimh in sipin ah man lo tein ka cahpiak hna lai” tiah Pu Van Tlir nih a chim.

Atu bantuk in kum chiar te dinti a har pengmi sang cu Sianginn sang, TABC sang le sii-inn pi deuh an si hna i a tu zong mah hna pawl cu dinti an har ngai cang hna tiah kan theih.

About The Author

Na ruahning rak langhter ve.. (Leave a comment)

%d bloggers like this: