Thantlang Khuachung Zuu Dawr Zarhpini Ah Zuar Khawh A Si Ti Lai Lo

Salai Elvis| 2018 August 7| Thantlang penguk zung le tuanvo ngeitu hna hruainak in Thantlang khuachung Zuu dawr paoh zarhpi ni caan ah zuarter ti lo dingin an kham cang hna lai tiah theih a si.

Zarhpini zanlei fate khuachungah zuu ri le a buaibaimi an tam caah a hram a simi zuu dawr cu zarhpi ni caan ah zuar ti lo dingin penguk zung nih nawl a chuah hi a si. Hi rian cu August 12 in thawk an timh tiah theih a si.

“Thantlang khuachung a bik in zarhpi ni caan paoh ah upa he mino he, khuate lei zong an i tel kho, a bu in um i a buaibai mi an tam caah hi kong hi biatak tein kan tawlrel cang lai. Zarhpini caan paoh ah zuu dawr kan kharter dih hna lai. Cun niruk zan le zarhpi zanlei in zan tiang a si khawh chungin tuanvo ngeitu hna he khuachung ah i chok in kan ngiatthlai cang hna lai” tiah penguk zung U Swam Htet nih TCP ah a chim.

Zuu rit ruang i a buaibaimi hna cu palek sakhan i chiah hnu ah sang chung khuabawi zung in nu le pa sin cio ah chimhcawnpiak le biakamnak tuahter an si lai. Voi thum tiang tlaih aa huah ah cun Kalay thonginn ah kuat colh a si lai. Hi bantuk sualphawtnak cu thlaruk riang thongthlak khawh an si” tiah U Swam Htet nih a chimchih.

Atu lio Thantlang khuachung ah Zuu License ngeimi minung 3 an um i Fl-17 minung 2 (dawr chungah din khawh) le Fl-12 pakhat (a cawk lawng a ngah mi) an si. ++

Na ruahning rak langhter ve.. (Leave a comment)

%d bloggers like this: