Thantlang Khuachungah Boarding School A Thar Pakhat Aa Chap
Salai Elvis| 2018 June 28| Thantlang khuachung MFOC, Rev.J No Mang ngaktah zohkhanhnak sianginn ah Boarding School a thar pakhat an tuah tiah theih a si.
Hi Boarding School ah taangriat le taangkua lawng cohlan an si i minung zong rikhiahmi tiang lawng an cohlan hna tiah theih a si.
“A tukum June thla hlan khan kan thok ve. Hi Boarding kan tuahnak a ruangbik cu Thantlang peng tanghra sungh-awn kan zoh tikah a chia bik peng a si i a hrampi a simi taang 8 le taang 9 in i thok usi law hmailei ah tanghra sungh-awn hi a tha deuh hnga maw ti saduhthahnak he tuah a si. Hmaikum lei in cun tanghra tiang zong cohlan an si te lai. Cun hi Boarding School kan tuahmi hi hmailei pi tiang a hmun i Private sianginn tiang si kho dingin saduhthahnak ngeih a si” tiah Rev. J No Mang nih TCP ah a chim.
Hi Boarding School ah hin cachimtu sianginn saya/ma pahnih hlanpiak an si i, anmah MFOC chungin saya pakhat tel in zanriahpi tu ding caantling sayama pakhat hlanpiak an si. Atu tiang hi Boarding School ah taangriat minung 19 le taangkua 18, an zapi minung 37 an um cang. Thantlang khuachungah Carmel, Saydarna le MFOC Boarding School pathum an um cang tiah theih a si.
About The Author
