Thantlang Lai Kumthar (Tho) Paih Champion Cu Hakha In Zaw Tun Le A Nau Nih An Co
Salai Elvis| 2018 Tho 24| TYA (Thantlang Youth Association) tawlrelnak in tuahmi Thantlang Lai Kumthar (Tho) zatlang paih Champion Hakha in Zaw Tun le zuamcawh Paih Champion ah Hakha thiamthiam in Tha Hlei Cung nih bual an co.
Zatlang paih Champion a simi Zaw Tun nih minung 11 a tengh hna caah pakhatnak laksawng a hmuh i a nau pa Tha Hlei Cung zong a donghnak bik Tawk Hre he zuamcawh an i paihnak chungah Tha Hlei Cung nih a tei ve caah pakhatnak a hmuh ve. An laksawng cu zatlang paih bualcotu Zaw Tun nih tangka 70,000 le zuamcawh bualcotu Tha Hlei Cung nih tangka 100,000 (singkhat) an hmuh pin ah Salai Lung Thli Tum nih 25,000 veve a chap than hna.
A leng lei in laksawng an thenhmi zong a um len rih tiah theih a si. Hi unau pahnih cu Hakha Khuathar um Pu Ceu Thawng le Pi Iang Cuai hna i an fa le an si tiah kan theih.
Angki sen aa hrukmi hi a u deuh Zaw Tun (kum 22) a si i angki rang aa hrukmi hi a nau deuh Tha Hlei Cung (kum 20) a si.
About The Author
