Thantlang Market My Land Company Sak Dingin Ramkulh Cozah Hnatlaknak An Hal Than

0

Salai Elvis|2019 September 10| Thantlang khuachung Market cu khuapi sinak he aa tlakding in le tharchuah dingin timhtuahnak rakngeih mi cu a tuni tiang a ruangtampi ruangah sak lo in um a si.  A si nain tuanvo ngeitu hna nih tukum chung riantuan thok dingin le Company dang sak ter dingin ramkulh cozah sin ah nawl an hal than hna tiah kan theih.

“Market chung dawrngei tu hna he zong kan i hmuthiam dih cang. Cucaah  nikum lio Golden Development Company nih sakding in ramkulh cozah Cabinate nih biachahnak zong a tuah cia a si nain, an mah lei nih kan sa kho than lai lo tiah ca an kan leh. Mah kong zong cu ramkulh cozah sinah thawng kan thanh cang hna. A si nain My Land Company nih sak an duh caah, Cozah lei tuanvo ngeitu, khuachung Pastor, Hluttaw palai, le khuanu/pa telh in My Land Company nih kan sak piak hna seh ti in ramkulh cozah sin ah kan chimh cang hna. Cucaah ramkulh cozah nih ni kum Golden Development Company nih sakding in biachahnak an rak tuah mi kha an let than i My Land Company nih sak than dingin biachahnak an tuah than a si ah cun tuan ah riantuan thok a si ko hnga.” tiah

Myland Company nih Structure Design le Estimate an suai mi pawl cu tuanvo ngeitu kaphnih lungtlin a si hnu ah ramkulh cozah sin ah lungtlinnak ca an chiah than lai i Cabinate  nih an cohlan hna ahcun riantuan an thok colh cang lai.

“Acunglei ramkulh cozah hnatlak pi nak kongkau vialte cu a ralai mi thlahnih chungah lim dih ding le riantuan tak hi cu November/December hrawng ah thok i thalchung ah riandih dingin kan saduhthah a si. Kan market tuan ah sak khawhnak ding caah le inn thehnak ding zong ramkulh cozah sin ah ca kan chiah dih cang.” tiah a chimchap.+++

 

About The Author

Na ruahning rak langhter ve.. (Leave a comment)

%d bloggers like this: