Thantlang Market Sa Thahnak Hmun Hnih Ah Caan Hman Tein Sa Zuar A Si Cang Lai

0

Salai Elvis|19 August 2019| 2019-2020 kum khat chung ca Thantlang market sa thahnak a hmun hnih (biak inn sang le sianginn sang) ning in Vok sa cuai caanhman tein an zuar cang lai tiah kan theih.

Sianginn sang Sa thahnak market cu License man a fahtuk caah le a cawtu nih an ngamh lo caah kum khat chung khar a si hnu ah a tu bantuk in Vok sa cu License thar a hmumi nih caanhman tein an zuar cang lai. August 16 ni ah sipin nih tlaihmi phun 7 License cawkzuarnak a tuahmi chungah phun 4 lawng an zuar khawh i phun 3 a cawtu an um lo caah an zuar kho lo.

Kumkhat chung sathahnak License a hmumi le a cawtu hna cu: Biakinn sang (ks.11,360,000) le sianginn sang (ks.6,650,000) in Vok sa zuarnak (hmun hnih ning in) Pu Rung Hu nih a lak dih. Cun Sa sen zuarnak (Biakinn sang) ah Pu Cung Hup nih (ks. 6,760,000) in a lak ve nain sianginn sang tu ahcun a Sa sen zuarnak License la tu an um lo. Cun sipin nih ngeih mi dawrkip ah nichiar te ngunkhuai haltu cu Pu Phai Cem nih (ks.6,000,000) in a lak ve.

Asinain License an zuar khawh lo mi Saphaw latu, khuachung luhman (bi-khun) le sianginn sang Sasen zuarnak License tu cu aho hmanh nih an la lo. “Lak lo mi License pawl cu ni sa rih hnu ah fakthanh voi thum tiang kan tuah rih lai cu i an lak duh than lo cun ramkulh sin ah nawl kan hal lai i nawl an kan pek ningin kan tawlrel te lai” tiah sipin zungriantuan pakhat nih a chim.

License cawkzuarnak kong he phetlai in Sipin nih rikhiahpiak ning hna cu: Sa thahnak market hmunkhatnak (Biakinn sang) Sa sen (Ks.6,755,000), hmun hnihnak (sianginn sang) (ks. 2,850,000), Vok hmunkhatnak (ks.11,210,000), hmun hnihnak (ks.6,600,000), khualuh man (bi-khun) (ks.700,000), sipin ngeih mi dawr kip ah ngunkhuai halnak (ks.1,510,000) le Saphaw lak duh tu caah (460,000) hna an si.

About The Author

Na ruahning rak langhter ve.. (Leave a comment)

%d bloggers like this: