Thantlang Market Thilzuar Zunput Kongah An Lungrethei
Salai Elvis| 2018 March 20| Thantlang khuachung sipin nih a tlaihmi market chung thilzuar pawl zunte le zunpi zunnak ding zunput a um lo caah harnak an tong tiah kan theih.
Market caah zunput a um ko nain a chiat tuk caah an hmang kho ti lo. Atu bantuk in kumkhat tluk zunzunnak le zunput a um lo caah market pawngkam mi inn ah an kal tawn tiah theih a si.
“Zun te zunnak cu khoika paoh ah kan kal kho, asinain zunput a um lo tikah market pawng inn kan theih hngalhmi hna zunput ah kan kal lengmang. Zunput cu a um ko nain hman awk a tha ti lo. Zunput kan hman lo nak hi kumkhat tluk a si cang, nu ca ko ah hin a har khun” tiah market chung thil zuartu nu pakhat nih TCP ah a chim.
Market chung thil zuarmi hna caah sipin nih 2017-2018 kum ah sing 5 dih in April thla dih hlan ah khaan hnih fonh sakpiak dih dingin timhtuahnak ngeih liopi a si tiah kan theih.
Thantlang market chung thilzuarnak khan 41 a um i thil zuartu minung 25 nak tlawm lo an um. Minung pakhat nih thlakhat ah 15000, 10000, 8000 le 5000 tiin sipin ah ngunkhuai an pek cio tiah theih a si.+++
About The Author
