Thantlang Market Ti An Har Caah Sa That Mi Harnak An Tong

Salai Elvis| 2018 September 4| Thantlang myoma Market chung thilzuar hna nih hman tawnmi ti khonnak (zi-kann) ah ti aa dil lo caah a bik in sathat mi harnak an tong ti Market sathahnak lei in thawng kan theih.

“Zing ka le zanlei ah ti cu a ra nain tikhonnak (zi-kann) ah ti a tla kho lo. Sa thahnak hnawm tom pawl tawlnak hmanh a um lo. Inn bing in ti aa lak mi hmanh duhchung an hman lio ah Market chung ummi vial te nih toh mi hman awk hmanh a um lo. Ti khonnak (zi-kann) vial tha ngai in sak tung i ti um lo peng. Mah kong hi sipin nih ka hnu kum ah meeting a kan auh tawn ah voi tampi ka chim cang hna a kan tuah piak bal lo” tiah sa thahnak tlaitu Pu Khua Tin Lal nih TCP ah a chim.

“Tizoh tu nih an kan chimh ningah ti a hmangmi kan tam, ti Line kan then mi zong a tam caah le an pipe chungah thli a lut( le-khu) caah a chuah khawh lonak a si. Zingka ti kan pek caan hna le sa an zuar caan aa ton caah kan auh hna tikah kan sa zuar caan a si an kan ti an mah ti hman mi cu zeitin dah aa rawk ning a si ti zong an i zoh pah ding a si line dangin tuah piak hmanh hna u si law thli a lutmi an i chuah huam lo ahcun a si thiam ko lai. A bik in thli a luh (le-khu) caah a chuah khawh lo nak a si” tiah sipin Committee Pu Bik Tha Cung nih TCP ah chim.

“Zingka teah a chuak tawn mi hmanh market chung thialzuar hna nih thawl (pung) thum hrawng an donh i kan nih cu kan ting ti lo. Kan mah te hna in tizoh tu tangka kan phalh i kan i tuah tawn. Sa that pawl nan i filh hnawh tuk a kan ti tung i a tawlnak ti hmanh um lo ah cun a si kho lo” tiah voksa khungtlai tu nu pakhat nih TCP ah a chim.

Atu lio sipin nih tlaih mi Thantlang Market chungah sa thahnak tel in thilzuar dangdang minung 30 tluk an thu tiah theih a si.+++

Na ruahning rak langhter ve.. (Leave a comment)

%d bloggers like this: